15. O-vortecaj kaj A-vortecaj vortetoj

O-vortecaj vortetoj (aux O-ecaj vortetoj) rolas en frazo kvazaux ili estus O-vortoj. Kelkaj el ili similas al personaj pronomoj, cxar ili anstatauxas ne nur O-vortojn, sed tutajn O-vortajn frazpartojn. Oni povas nomi ilin pronomecaj vortetoj. A-vortecaj vortetoj (aux A-ecaj vortetoj) rolas same kiel A-vortoj. O-vorteca kaj A-vorteca frazroloj tamen ofte intermiksigxas.

• 15.1. La tabelvortoj je U estas pronomecaj kaj A-vortecaj.

• 15.2. La tabelvortoj je O estas O-vortecaj kaj pronomecaj.

• 15.3. La tabelvortoj je A estas cxefe A-vortecaj, sed iafoje pronomecaj.

• 15.4. La tabelvortoj je ES estas A-vortecaj.

• 15.5. La vorteto ambaux estas pronomeca kaj A-vorteca.

• 15.6. La liternomoj estas O-vortecaj.

O-vortecaj estas ankaux la personaj pronomoj. A-vortecaj kaj O-vortecaj estas la nombraj vortetoj. Krome la difina artikolo la estas iom A-vorteca.