6.1. Bazaj reguloj por E-vortoj

Vorton kun la finajxo E oni nomas E-vorto. E-vortoj rolas kiel komplementoj kaj en diversaj aliaj frazroloj. Ili montras manierojn, lokojn, tempojn, kvantojn k.s.:

• rapide = en rapida maniero, kun rapido

• bele = en bela maniero, kun belo

• urbe = en (la) urbo(j), en urba maniero

• hejme = en la propra(j) hejmo(j)

• tage = en (la) tago(j)

• matene = en (la) mateno(j)

• lunde = en la lundoj, en lundoj, en cxiu lundo, en iu lundo, en lunda maniero

• normale = en normala maniero, en normalaj okazoj

• multe = en granda kvanto

• alveninte = post (la) alveno

La signifo de E-vorto dependas kaj de la signifo de la radiko, kaj de la kunteksto.

Cxe lokaj E-vortoj povas aperi la finajxo N por direkto: urben = “al la urbo(j)”, hejmen = “al la propra(j) hejmo(j)”. Sed E-vorto neniam povas ricevi J-finajxon.

En tempaj komplementoj lunde kaj lundon havas malsamajn sencojn.

Legu ankaux pri E-vortaj frazpartoj.